જીવનપથ

જીવનપથ

દૂર મજલ છે, પથ વિકલ છે, સાથી નથી કોઇ સાથમાં,

ઘર સુરક્ષિત, માર્ગ અનિશ્ચિત, ભરોસો છે માત્ર જાતમા,

હાર –જીત તું શીદને વિચારે? બસ, ચાલવું તારા હાથમાં !

નસીબ છે તારું, જીવન તારું, લોકો ક્યાંથી કળી શકે ,

પોતે નથી ચળી પણ શકતા ગ્રહો, તને ક્યાંથી નડી શકે.

શક્ય બદલવી તે રેખાઓ; જે અંકિત તાર હાથ માં!

કાને ન ધર તુ સ્તુતિ-નિંદા ને, ફેંક ઉખાડી વિટપ શંકા ને,

સૂણી લે નિજ આતમ ઇશારો, ફરી જશે તુજ જીવન કિનારો,

નાવ ભલે કરતાર ની હો, હલેસાં તારા હાથ માં !

અંતરે તુ ઇશને રાખ, મરતાંં-મરતાં જીવતો નહી,

સ્વપ્ના જો, આકાંક્ષા રાખ , ભય થી છળી મરતો નહી,

સામે આખી દુનિયા આખી ભલે હો, જીત તારા હાથ માં !!!

- ચિંતન પટેલ