એ કોણ છે?

એક મળસ્કે અધખુલ્લી બારીમાં થી ઝાંખતા –

થોડાક અંગત,

કેટલાક પરિચિત ને,

વળી કેટલાક માત્ર દેખાડા પૂરતા,

ગહન શોક પર સફેદ કપડાં ઓઢી,

અસ્પષ્ટ ગણગણતા ટોળા ને જોઈ

થયું કે-

અસ્તિત્વ ને પેલે પાર પહોંચેલા કોઇક ને

અંતિમવાર શણગારી ,

બે-ચાર આંસુ સારી,

જીવન માં થી બાદ કરી યાદોં મા ઉમેરતા લાગે છે,

ત્યાંજ એક બેચેન વિચાર આવ્યો,

આટલા બધા પરિચિત બીબાંઓ માં,

એક ચહેરો ક્યાંક ખૂટે છે.......

અરે ! ત્યાં મારા જેવુ જણાતું એ કોણ છે ?

જેની ફરતે આ લોકો કાથી વીંટે છે !!

- ચિંતન પટેલ

********